«ҚазМұнайГазға» қарасты кәсіпорындар еліміздің батысындағы су тасқынымен күресуге атсалысып жатыр

«Қарашығанақ Петролиум Оперейтинг Б.В.» компаниясы Бөрлі ауданы әкімдігінің өтініші бойынша 28 наурыздан бастап қажетті техника бөлді.

«Қарашығанақ» кен орнында қазіргі уақытта су тасқыны байқалмайды. Табиғи апат шикізат өндіру ісіне және жобаларды іске асыру барысына әсер етпеді.

Өз кезегінде, «Урал Ойл энд Газ» ЖШС (ҚМГ үлесі – 50%) Батыс Қазақстан облысы Бәйтерек ауданының Январцево ауылында көктемгі су тасқынына қарсы іс-шараларды жүргізу үшін 6 арнайы техника бөлді. Компания 4 самосвал, 1 жүк тиегіш және 1 экскаватор берді.

Сонымен бірге «УОГ» ЖШС ұжымы бір күндік жалақысын су тасқынынан зардап шеккендерге көмек қорына аудару туралы шешім қабылдады.

«ҚазМұнайГаздың» және оған қарасты ұйымдардың қызметкерлері де зардап шеккен отбасыларға көмектесу үшін қаржылай көмек жинап жатыр.